TACLOBAN CITY – Nagpahimatngon an Ministro han Depensa han China kasumpay ha daw limistasyon ha pagpugong han Beijing ha West Philippine Sea kabahin han mga serye han mga pag aatubang ha butnga han mga sakayan pandagat han Pilipinas ngan China harani ha gin aagawan nga bahura.
An mga sakayan pandagat han China Coast Guard in nagamit hin water cannon kontra ha mga baluto han Pilipinas hin damo kabeses ha gin aagawan nga parte han kadagatan kun diin haros tanan in gin aangkon han Beijing.
Mayda gihapon mga bungguay nga nahipatik nga igin kasamad han pira nga tropa nga Pilipino.
Samtang, utro ng igin pahayag ni United States Defense Secretary Lloyd Austin III nga an patapod han Amerika nga mapabilin nga abri ngan libre an bug-os nga West Philippine Sea.
Waray naman kahinabihi ni Austin an China pero ginpahayag hine nga an padayon nga panha-harass ha Pilipinas in usa nga delikado nga aksyon.
Dugang pa ni Austin, an US ha presente in nagamit hin bag-o nga teknolohiya ngan training agud igtukod an libre ngan mahimyang nga paglalayag ha West Philippine Sea.
