Nagpahayag hin kaandaman an China nga makigbinuligay ha Russia agud masolusyunan an nagtitikaduro nga epekto han tensyon ha Middle East.
Ha pakikig-istorya ha telepono kan Russian Foreign Minister Sergei Lavrov, ginmalatumat ni Chinese Foreign Minister Wang Yi nga padayon hira magbibinuligy ha UN Security Council agud igduso an kahimyang.
Ginmalatumat ni Wang nga an pangunahon nga solusyon ha krisis ha Strait of Hormuz in an dayun nga ceasefire, ngan iginduson nga pirme igindududuso han China an political settelement pinaagi han dialogue ngan negosasyon.
An pag-iistorya han duha nga opisyal in nahitabo ugsa an nakatalaan nga botosay ha UN kasumpay ha resolusyon han Bahrain agud proteheran an commercial shipping ha Strait of Hormuz.
Sumala kan Wang, kumo permanente nga membreo han UNSC, kinahanglan magpatuman an China ngan Russia in objective ngan balance approach agud makakuha hin mas haluag nga suporta tikang ha international community.
Ha pahayag han Russian Foreign Ministry, parehas nga nasud an nagpahayag han kalipay ha pagkakatugma han ira panlantaw ha kadam-an han global issues, kaupod an sitwatson ha Iran nga sumala pa ha mga ini, durot han agresyon han US ngan Israel.
Dugang pa han China, sobra usa kabulan na an kasamok ha Gulf region nga nagdurot han pagsasara han Strait of Hormuz, usa nga importante nga ruta para ha oil ngan gas shipments.
Ha kabug-usan, klaro nga nakikita han China ngan Russia an panginahanglan han kadagmitan nga ceasefire ngan pag-aabri han political-diplomatic dialogue agud maibanan an tensyon ngan mapabilin an katalwasan han world market ha rehiyon.
