SPORTS – Magmumulay na ha Boston Celtics an anay bigman han Chicago Bulls nga hi Nikola Vucevic mahuman hiya i-trade han koponan.
Basar ha ginpagawas nga impormasyon kasumpay ha nasabi nga trade, kabalyo ni Vucevic an guard nga hi Anfernee Simons ngan usa nga second-round pick. Hi Simons in na-trade la ha Bostons dida han July 7, 2025 kabalyo hadto han 2-way player nga hi Jrue Holiday.
Yana nga season, nabuhat ni Vucevic nga magpasulod hin 16 points per game ngan 9 rebounds.
Una hiya nga nagmulay hin siyam nga season ha Orlando Magic nga dida han 2020-2021, ngan nabalyo hiya ha Bulls.
Ha pagpapabilin niya ha Chicago, duha ka-beses hiya nakasulod ha All-Star Game.
Ha kaluyo naman nga banda, kapot ni Simons an average nga 14.2 points per game ngan napapabilin niya an 39.5% shooting tikang ha 3-point line ha sakob han gutiay nga panahon nga pagpapabilin niya ha Celtics.
