ENTERTAINMENT NEWS- Nanawagan hi Miss Universe 2018 Catriona Gray ha Miss Universe Organization (MUO) nga magpatuman hin mas klarado ngan transparent nga judging process ha mga masunod nga pageant hine, ine in kanit ha nagin kontrobersiya ngan alegasyon han panlimbong ha nagin resulta ngan pagkilala kumo Miss Universe kan Fatima Bosch han Mexico yana nga 2025.
Ha iya Instagram Broadcast Channel, ginmalatumat ni Catriona nga kinahanglan igbalik han MUO an pagtapod han pageant fans pinaagi hiton klarado nga criteria, scoring system, ngan pagkuha hiton independent third-party tabulator.
Dugang pa hine, nakakadismaya an mga report kasumpay ha mga nag-resign nha judges nga daw nawurok ha proseso han judging system.
Sugadman, nasusubo hi Catriona ha online gate nga nakarawat ni Bosch, ngan naglalaom nga gagamiton han bag-o nga Miss Universe an iya titulo para ha positibo nga adbokasiya.
Gindayaw gihapon hine an performance nira Ahtisa Manalo han Pilipinas ngan Olivia Yacé han Côte d’Ivoire ha Q&A, ngan dugang pa hine “basic” an final question ngan ginlalauman nga andam an mga kandidata.
Gindig-unan hine nga subay ha iya nagin eksperyensya kumo judge, nagkaka-impati an mga hurado, pero nanindugan hiya hiton transparensiya nga dalan agud nga malikayan iton pagkakamayda hin diskompyado nga resulta han kompetisyon.
