Iginpakilala han usa nga Chinese automobile brand ha Malaysia hi Mornine, usa nga humanoid robot nga magseserbi nga sales assistant ha ira dealership ha Malaysia.
An robot, nga syahan gin himo kumo digital character para ha metaverse ngan social media, in nag-evolve agud makig-interact ha mga costumers nga karuyag pumalit hin kotse.
Gin tawag ini mga AiMOGA Robot ngan mayda kapas nga maobserbahan an pagkiwa ngan mando han tawo, pati na gihapon mag-navigate ha palibot gamit an advanced nga automotive-grade technology ngan bionic motion system.
Dida han nakalabay nga Abril, syahan nga ginamit ni Mornine ha usa nga dealership ha Kuala Lumpur, kun diin nagin usa ini nga sales assistant. May kapas ini nga mag-eksplikar kasumpay han mga sarakyan, maghatag hin mga baton ha mga pakiana, ngan mag-assist ha mga test drive.
Sugadman, ha mga syahan nga showcase videos in dire pa bug-os an reyalismo nga ginhahatag ni Mornine, an Chinese automobile brand in mayda dako nga plano para ha robot. Ginlalauman nga magagamit ini ha mga mall, sinehan, ngan exhibits kumo costumer service assistant ha masunod nga panahon.
Ha kaluyo han padayon nga pagribhong han humanoid robots, gin amin han mga eksperto nga mayda mga ayat la gihapon nga kinahanglan makab-ot ugsa magin bug-os nga nagagamitan an mga robot sugad kan Mornine ha kada-adlaw nga kinabuhi.
Mayda naman dako nga potensyal hi Mornine ha pagbabag-o han serbisyo ha mga negosyo ngan mga pampubliko nga lugar ha mga masunod nga tuig.
