TACLOBAN CITY – Cultural celebrition an dapat bantayan han publiko ha mga iginlatag nga mga aktibidad para han pagdudumara han Patron ha Palo 2024 nga kun diin, nakatalaan magtikang an mga magkadurudilain nga mga aktibidad yana nga bulan han Hulyo 2024 kutob naman ha Agosto yana nga tuig.
Ha igin anunsyo han Local Government Unit of Palo pinaagi han ira Facebook Page in ginpasabot an mga magkadurudilain nga mga aktibidad sugad han Ribbon Cutting of Barbeque Plaza and Palo Pag-Ibig Plaza, Fireworks Display, Inter-Barangay Search for Mr. Enchanting Palo 2024, Palo Harvest and Food Festival, Laro ng Lahi, Vocal Duet Competition, Jota Dance Competition School Based Category, Enchanting LGU Night Cheerdance Competition, Adlaw han Kabataan, Gay Pride, Cross Country MTB Challenge, Siday Competition Theatrical Style, Hip-hop Competition, ngan damo pa nga iba.
Labot la naman han mga mao nga aktibidad in mayda gihapon hira Inter-Barangay Chess Tournament, Inter-Barangay Sepak-Takraw Tournament, ngan Inter-Barangay Basketball Tournament.
Hatag naman han lokal nga panggobyernuhan ngan an Enigma Events and Production Company an Celebrity Band nga RockSteddy nga kun diin, Free Admission ini nga pagbubuhaton naman ha Brgy. Guindapunan, Palo, Leyte yana nga Hulyo 30, 2024, Ala-6 han gabi.
Pagpatapod pa han pamunuan nga mas magigin marisyo an ira selebrasyon han kapatronan yana nga tuig ngan ginsiguro gihap an seguridad han tanan nga mga mapakadto ha ira bungto pagtambong han magkadurudilain nga aktibidad.
