TACLOBAN CITY – Nagkaurusa an mga taga bungto han Guiuan ha Eastern, Samar nga mag donar hin bulad ngan iba pa nga pagkaon ha mga nagkabibiktima han bagyong Rolly ha Albay, Bicol.
Sumala kan Felipe Padua, MDRRMO han Guiuan Eastern Samar, nga ada ha 8,500 ka kilo hin bulad ngan bugas an ira nakatalaan nga igpadara ha para igpanhatag ha maabot 850 ka pamilya nga nagka gugub-an hin panimalay ngan nawarayan hin pakabuhi tungod han naglabay nga bagyo.
An mao nga mga bulad in produkto mismo han mga parupangisda ha ira lugar ngan ginpalit han siyudad para igpandonar.
Dugang pa niya nga pinaagi hini in diri la an mga biktima han bagyo an nabuligan kundi pati gihapon an mga gudti nga mga parupangisda han ira lugar.
Mababaruan nga an di pala iha in nagpatuman hin hard border lockdown an bungto han Guiuan matungod han tigda nga pagdamo hiton ihap han mga positive cases ha ira lugar.
