-- Advertisements --
MAYORGA LEYTE–Natad-an an bug-os nga kalansay hin usa nga nawawara nga babayi ha Brgy. Mabini, Mayorga Leyte.
Ginkilala naman ini ha alyas “Susan”, sitentahon nga pangedaron, babayi, ngan residente han Brgy. Burgos Mayorga.
Sumala kan PLT. Gelenn Chavero, Officer In Charge han Mayorga Municipal Police Station, basar ha ira inisyal nga imbestigasyon natad-an ini han tag-iya han usa nga kalubian ha Brgy. Mabini, Sitio Santol samtang ginlilimpyo nira an tuna.
Mababaruan nga nawaraan babayi han ika 2 han Disyembre 2025 nga waray katad-i.
Dugang pa hine, mayada ine gutiay nga pagka high-blood ngan dire na nasabot ha iya ginigios.
Ha presente ada ha kustodiya han pamilya hini an mga nasabi nga tulan.
