-- Advertisements --
NATIONAL – Suportado ngan kausa Budget Secretary Amenah Pangandaman ha mga economic managers ha panawagan nga ig ban an Philippine Offshore Gaming Operations (POGOs) ha nasud.
Ginpahayag ni Pangandaman nga dire kinahanglan han Pilipinas an nasabi nga sektor.
Hi Pangandaman an pinakabag-o nga Cabinet member nga nagpahayag nga dire ine abuyon ha operasyon han offshore gambling companies ha nasud.
Syahan na nga nagpahayag nga dire nira suportado an operasyon han POGO hira Finance Secretary Ralph Rector ngan Socioeconomic Planning Secretary Arsenio Balisacan.
Gintagan-duon ni Pangandaman nga guti nga kantidad la an nakukuha nga kita tikang ha POGO nga ada la ha P40 ngada ha P50 billion.
