-- Advertisements --
TACLOBAN CITY – Iginkalipay han Bangko Sentral ng Pilipinas (BSP) an padayon nga paghitaas han mga nag-aabri han ira bank accounts.
Subay ha datus han BSP nga kada bulan in nahitaas an basic deposit accounts (BDA) an nahipatik nira.
Igin pananglitan nira an urhi nga quarter han 2023 kun diin humitaas hin 58% o kaparehas han 24.2 milyon an nag abri hin account kumpara ha anay 15.3 milyon la.
Pira han mga nagin rason hine in an pagkakamay-ada la hin initial deposit nga P100 ngan an pagtanggal na han minimum maintaining balance ngan domancy charges.
Kaupod na gihapon hine an dire na gud ginbibilngan an mga depositors hin damo nga mga identification requirements.
