-- Advertisements --
TACLOBAN CITY — Dead on the spot an usa nga barangay kagawad mahuman nga panmusilon han waray nakikilal-i nga suspek ha Brgy. Alejandrea, Jiabong, Samar.
Guinkilala an biktima nga hi Raulito Romana Jabien, 47 anyos an pangidaron ngan residente ha mao nga lugar.
Basi ha imbestigasyon han kapulisan, nga nagtitinda hin pandesal an biktima sakay han iya single nga motorsiklo kun diin tigda nala ini nga guinpanmumusil han waray kakilal-i nga suspek.
Nakaangkon hin damo nga pinusilan ha magkadirudilain nga parte han lawas an biktima.
Nahibaruan nga anay miyembro han New Peoples Army (NPA) an biktima ngan maiha na nga bumalik ha kamot han gobyerno.
Ha pagkayana, nagpapadayon pa an imbestigasyon han mga kapulisan ha mao nga panhitabo.
