NATIONAL – Ginsigurado ni Bureau of Plant Industry Director Gerald Glenn Panganiban nga proproteheran an lokal nga supply han sibuyas ha luyo han nakatalaan nga utro nga pag-angkat han nasud.
Nahipatik han Department of Agricultura an pag-aproba ni Sec. Francisco Tiu Laurel Jr. ha pag-angkat han kabug-usan nga 16,000 metric tons han busag nga sibuyas agud mapugngan an posible nga paghitaas han presyo hini parehas han natabo dida han 2022.
Sumala kan Panganiban, sisiguraduhon han BPI nga an deadline han mga aangkaton nga sibuyas in maulpot ha December 31, 2024.
Ini in agud matagan hin proteksyon an mga domestic production o lokal nga produksyon han sibuyas ha nasud.
Ginlalauman naman nga magtitikang na an harvest o pan-garab han mga sibuyas ha Pilipinas pagulpot han Enero 2025.
