ODD – Usa nga botelya hin irimnon nga cognac an nakaghipatik hin world record mahitungod nga nagtikang pa ine ha panahon nira King Louis XIV han France ngan King William III han England!
Gin kumpirma han records keeping organization nga Guinness World Records nga an botelya ha 1696 Jules Robin Cognac an pinakabag-o nga may kapot han titulo nga “World’s Oldest Cognac”.
Ine in mahitungod nga ginhimo ine dida pa han 1696 ngan may edad na ine nga 328 years old. An nasabi nga irimnon in panag-iya han kolektor nga hi Lars Janssen nga taga-Netherlands.
An Cognac in usa nga klase hin brandy nga himo ha ubas. Nagtikang ine ha rehiyon han Cognac ha France, rason nga gintawag ine nga Cognac.
May mahugot naman nga regulasyon nga ginsusunod ha paghimo han Cognac, kaupod na an paggamit hin partikular nga klase hin ubas, an distillation process nga kinahanglan himuon hin duha kabeses nga copper pot stills, ngan an pagbilin hine ha oak barrels hin dire maubos hin duha katuig.
