NATIONAL – Nakakuha hin dako nga kadaugan an Bombo Radyo Philippines mahuman nga kilal-on kumo major winner ha 46th Catholic Mass Media Awards (CMMA), kun diin nakakuha ine hin mga nangunguna nga pagkilala ngan nominasyon.
An flagship han network nga Bombo Network News in nadukdok an prestihiyiso nga Best News Program award, samtang, nakuha naman han Afternoon Starsweep han Star FM Bacolod an Best Entertainment Program.
Nakuha gihapon han Bombo Radyo an espesyal nga pagkilala ha upat hine nga programa; Best Business Program an Bombo Special Report han Bombo Radyo Philippines; Best News Commentary naman an Bombo Special Report han Bombo Radyo Philippines; ngan Best News Feature an Bombo Hanay Bigtime han Bombo Radyo Koronadal ngan Good Morning Philippines han Bombo Radyo Laoag.
Iginparayaw han Bombo Radyo Pilipinnes an kakusog hine ha industriya pinaagi han pagkuha han walo ha siyam nga kategorya han CMMA, kun diin iginpakita hine an hitaas nga kalibre han mga balita nga nasalamin ha mga mamarati ngan magkirita hine ha bug-os nga nasud.
Kaupod naman ha mga finalists an mga masunod;
Best Counseling Program: Kahapon Lamang han Bombo Radyo Dagupan
Best Drama Program: Recuerdos Dela Vida han Bombo Radyo Vigan ngan The Messiah han Star FM Cebu
Best Educational Program: Bombo Special Report han Bombo Radyo Philippines ngan The Visita Iglesia han Bombo Radyo Legazpi
Best News Commentary: Bombo Hanay Bigtime han Bombo Radyo Baguio
Best News Feature: Bombo Hanay Bigtime han Bombo Radyo Koronadal ngan Good Morning Philippines han Bombo Radyo Laoag)
Best News Program: Bombo News and Views Morning Edition han Bombo Radyo Cebu
Na-witnessed naman han Catholic Mass Media Awards (CMMA) yana nga tuig an usa nga interesante nga internal competition han magkaduru-dilain nga programa han Bombo Radyo han mga kategorya sugad han Best News Program, Best News Feature, Best News Commentary, Best Educational Program, ngan Best Drama, nga nagpapakita han maupay nga kalidad han balita han mga istasyon han network.
An Catholic Mass Media Awards (CMMA), nga kilala ha pagkilala han mga media nga nagduduso han importansya han Kristyano in utro nga ginkilala an dedikasyon han Bombo Radyo Philippine ha pag-aghat, pag-imporma, ngan paghahatag hin importansya ha pagbabalita, usa nga standard nga maaram an mga mamarati ngan magkirita han Bombo Radyo.
