-- Advertisements --
INTERNATIONAL – Nanawagan hi US Pres. Joe Biden ha Americans nga pahubason an kapaso han pulitika kahuman an assassination attempt ha iya karibal ha 2024 US Presidental election nga hi anay Pres. Donald Trump.
Sumala kan Biden waray pwesto ha Amerika an karahasan.
Nagpaabot gihapon hin pakikisubo hi Biden ha mga nadamay ngan namatay ha insidente.
Siyahan na nga ginmando ni Biden an pagpapalusad hin independent review hiton security measures ha campaign rally kun diin nasamaran pero talwas hi Trump ha assassination attempt ha iya.
Hapagkayana, in padayon la gihapon an imbestigasyon han Federal Bureau of Investigation, hiunong ha motibo han shooter nga ginkikilala kan Thomas Matthew Crooks.
