NATIONAL – Gin sigurado han buhatan han Bureau of Immigrations nga mas papahugton pa nira an seguridad ha mga boarders han nasud.
Panuyo han nasabi nga pitad nga mapugngan an paggawas han mga Pilipino gamit an mga illegal backdoors.
Ginbuhat ni Bureau of Immigration (BI) Commissioner Joel Anthony Viado an pahayag mahuman an nagin pagkabuyagyag han 54 nga mga Pilipino nga biktima han human trafficking in daw gumawas ha ilegal nga pamaagi.
Posible daw nga gingagamit han mga sindikato han human trafficking an mga gudti nga bangka agud dire ma-detect.
An pagbubuhaton nga pitad han ahensya in subay ha direktiba ni Presidente Ferdinand Marcos Jr. nga atuhan an human trafficking pinaagi han pagbabantay ha mga illegal exit points han nasud.
Gin aghat gihapon han Inter-Agency Council Against Trafficking an mga lokal nga pangobyernuhan nga makiusa ha mga gindudumara nga pitad han gobyerno agud bantayan an mga boarder han nasud.
