TACLOBAN CITY–Ginpasamwak han Bureau of Fisheries and Aquatic Resources (BFAR) 8 an ira pagdudumaraon nga regional FISHCORE Exhibit.
Sumala kan Christine Gresola, Information Officer han BFAR 8, nananawagan an ahensya hin mga partisipante nga babayi tikang han 20-40 anyos nga maaram maghimo hin sculpture.
Kinahanglan naman nga dapat tikang ha mga ghost nets, scrap boat materials o recycled trash an mga igpapasa nga sculptures.
Pwede mag pre-register an mga intersado pinaagi han link para han Pre Registration Form ha BFAR Eastern Visayas Facebook Page.
Igpapasa naman an sculpture yana nga tiarabot nga Abril 10 nga deadline para han submission of entries.
Dudumaraon naman an awarding han mga regional winners yana nga ika 17 han Abril.
Makakakuha naman an 3rd placer hin P5-K ngan P10-K para ha 2nd placer, samtang P15-K naman an makukuha han grand winner.
Dugang pa hine, an magdadaog ha panrehiyon nga lebel in mag-aabanse ha nasyunal.
Samtang mayada naman P3-k nga consolation prize an iba nga mga partisipante.
Photo Courtesy | BFAR Philippines
