TACLOBAN CITY – Nagin mapaso nga istoryahon han publiko an pagtaga-Pantawid Pamilyang Pilipino Program (4Ps) han Department of Social Welfare and Development mahitungod nga daw damo ha mga ini an dire angay matagan hin bulig mahitugod han dire sakto nga paggamit hini.
Sumala kan DSWD Field Office 8 Director, Grace Subong, pira nga benepisyaryo han 4Ps an natanggal ngan waray na mahilakip ha panhatag han bulig dida han Enero kutob Pebrero.
Usa ha mga nakita nga problema han ahensya in mahitungod nga may-ada mga benepisyaryo nga nagtatalapas han ginhatag nga kondisyon han ahensya para ha usa nga membro han 4Ps, kun diin gingagamit han pira nga membro an bulig-pinansyal ha huygo imbes nga igpalit hin mga kinahanglan.
Maabot naman ha 208,470 an kabug-usan nga ihap han pamilya nga natagan hin bulig han ahensya yana nga Enero ngan Pebrero.
Kasumpay hini, ada ha P866,515,000 an kantidad nga naipanhatag han DSWD ha mga benepisyaryo hini.
Gin klaro naman han ahensya nga naagi ha mahugot nga case management an mga reklamo kasumpay han mga membro han 4Ps.
