-- Advertisements --
HEALTH NEWS- An chico in usa nga kilala nga prutas nga kaudgan nga nakikit-an ha merkado ngan ha magkalainlain nga lugar ha Pilipinas.
Kilala gihapon ine nga gingagamit an iya duga ha paghimo han makahurubog nga irimnon.
An chico in mayda tannin ngan riko ine ha asukar, protina, vitamin C, ngan mga mineral sugad hiton iron, copper, zinc, calcium ngan potassium
Adi naman an mga sakit nga pwede matambal han Chico:
- Hiranat- Epektibo nga nakakapag-pahamubo hin hiranat an ginpakaladkaran nga dahon han chico kinahanglan la ine nga imnon han tawo nga mayda gin-aabat nga sakit han iya ulo.
- Pagnipis hiton buhok- Nakakabulig naman an lana nga tikang ha liso han chico nga pugngan an pagrubo han iyo mga buhok.
- Problema ha pag-ihi- An gintudtod nga liso han chico nga iginhalo ha tubig in makakabulig ha problema ha pag-ihi kinahangalan la ine nga imnon.
- Mga Samad- An paghuhugas han samad gamit an ginpakaladkaran nga dahon han chico in epektibo nga nakakapagpaupay han mga samad ha panit.
- Kanser ngan tumor- Subay ha pira nga mga pag-aram, an duga han panit han kahoy han chico in epektibo nga nakakapagpahinay ha pagprogres han cancer cells ngan tumor ha lawas.
