Makikit-an ha Adriatic Coast han Italy an iginkokonsidera nga pinakaurhi nga beach destination ha bug-os nga Europe nga nagpapatuman hin pagbubulag han mga babaye ngan lalaki.
Ha “Bagno Marino La Lanterna”, nga mas kilala han mga lokal kumo “El Pedocin”, mahugot nga ginbubulag an mga kalalalkin-an ngan kababayen-an nga nagbubulad ha adlaw gamit an usa nga 9-foot nga pader nga himo ha bugas nga konkreto.
Gintukod dida han 1903, komon la hadton an sugad nga klase hin beach agud maproteheran an mga kababayen-an nga nakasul-ot hin bathing suit. Pero ha paglabay han panahon, gintanggal na an mga sugad mga ulang ha magkadiru-dilain nga parte han kalibutang, labot la ha El Pedocin.
Naabot an pade kutob ha hababaw nga parte han dagat kun diin lahos hini in pwede na mag-upod an mga lalaki ngan babaye. Mayda magkabulg nga surudlan an pasilidad ngan nanunukot hin 1.20 euros o P84.16 kada tawo.
Bisan man kun iginkokonsidera han kadam-an nga importante nga parte han ira kasaysayan ngan kulturan an El Pedocin, dire la gihapon ini nakakatalwas ha mga kontrobersiya.
Di pala maiha in umabot ha mga balita an beach mahuman magkamay-ada hin mapaso nga debate han sumulod an usa nga babaye ha parte han mga lalaki. Subay ha pira nga report, ginprubaran la han babaye nga buligan an iya asawa nga liwanan an ira anak nga mayda kapansanan pero ginsita hiya han iba nga kalalakin-an didto.
Ugsa mahingadto ha pisikalay an argumento, gin alalayan pagawas an babaye. Gintawag han babaye an mga sumita ha iya nga mga “sexist” ngan iginduon nga an patakaran in usa nga klaro nga pormal hin diskriminasyon. Utro hini nga ginbuhi an debate kasumpay ha pagpatuman han gender-segregated beach ha makabag-o nga panahon.
Samtang gintatawag han pira nga baga-baga hin nagtikang pa ha kadaan nga panahon an segregation han kinatawo, maduon naman nga gindepensahan han mga lokal han El Pedocin an ira tradisyon ngan iginduon nga waray hin-o man ha ira lugar an may karuyag nga igparuba an ira makasaysayan nga pader.
