-- Advertisements --
NATIONAL NEWS– Nagpahimatngon an Canned Sardines Association of the Philippines an kakulangan han mga barato nga sardinas ha mga tindahan.
Ine in matungod ha paghitaas han production cost han mga naglabay nga tuig.
Subay ha grupo ha sulod han 3 katuig, waray hira maghitaas hin presyo, ha kaluyo nga makapira na hira kabeses nga humirit ha Department of Trade and Industry.
Ginmalatumat ni Francisco Buencamino, an Executive Director, Canned Sardines Association of the Philippines, nga madugay na an ira hirit nga dugang nga P3.00 ha ira produkto kun diin umabot na ine hin sobra 3 katuig.
Naglalaom naman an nasabi nga grupo nga papamatian hira yana hiton DTI mahuman an ginhimo nga pagsusumiter utro han ira petisyon.
