METRO MANILA – Pormal na nga ginbasura han International Criminial Court Appeals Chamber an apela ni anay Presidente Rodrigo Duterte kasumpay ha hurisdiksyon han international tribunal nga kaptan ngan imbestigaran an iya kaso.
Ha nagin pagdungog han tribunal, ginbasa ni ICC Judge Luz del Carmen Ibañez Carranza an nagin verdict han tribunal kun diin ginbasura han mayorya han mga mahistrado an tanan nga upat nga grounds of appeal nga ginsumite han kampo ni ex-Pres. Duterte.
Sumala ha judge, mahitungod nga ginbasura an kabug-usan nga apela, matutudlok nga moot o waray na bisa an hangyo han depensa para ha dayon ngan waray kondisyon nga pagpapagawas ha anay presidente.
Ha nagin verdict, ginpaboran han Appeals Chamber an impugned decision o an nauna nga ruling nga nagyayakan nga may kapas an ICC nga dunggon an kaso, rason agud ibasura an apela han kampo ni anay Pres. Duterte.
