TACLOBAN CITY – Ginanunsyo ni Commission on Higher Education Regional Office 8 Regional Director Maximo Aljibe an posiblidad han pagpapatuman han full online learning set-up ha butnga han presente nga krisis, sumala ha direktiba han ira buhatan.
Sumala kan CHED Sec. Shirley Agrupis, posible impatuman han mga Higher Education Institutions o HEIs an full online classes kun insakto an kapas han ira mga istudynate ngan pasilidad.
Sugad man, basar ha pinaka-urhi nga notisya, ha 90 HEIs ha rehiyon, 89 na an nakaghatag han ira assessment, ngan kadam-an ha mga ini in nagmalatumat nga dire nira akos ipatuman an full online learning.
Mahitungod hini, mas ginpili han mga institusyon an flexible learning set-up, kun diin katunga hini in face-to-face classes ngan katunga naman in online learning ngan paggamit han printed o digital modules.
Gintagan-duon han CHED nga an mga laboratory classes in kinahanglan pagbuhaton hin face-to-face agud mapabilin an kalidad han edukasyon.
Ha pagkayana, in padayon an koordinasyon ngan pagburubligay han mga HEIs agud maipatuman hin maupay an flexible learning ngan masigurado nga masosolusyonan an kinahanglanon han mga istudyante.
