NATIONAL – Gin kumpirma han Malakanyang nga nakikigsumpayan na an Department of Environment and Natural Resources (DENR) ha National Intelligence Coordinating Agency (NICA) ngan ha Philippine Coast Guard (PCG) agud imbestigahan an mga report nga baras tikang ha magkadudu-dilain nga bungto ha Pilipinas an ginagamit nga reclamation project han China ha West Philippine Sea (WPS).
Sumala kan Palace Press Officer Claire Castro, dire na pwede igsapubluko han mga detalye han imbestigasyon mahitungod ha sensitibo nga klase han isyu. Sugadman, kumpirmado daw nga nakikigsumpayan na an DENR ha NICA ngan Coast Guard agud bumaton ha isyu.
Kun mapapamatud-an in posible nga kasuha an mga dabi ha ilegal nga aktibidad ha ilarom han Philippine Maritime Zones Act ngan Philippine Mining Act.
Ha usa nga pagdungog han Senado, manununduman nga ginmalatumat ni NICA’s Ashley Acedillo nga mayda impormasyon nga ginkukuha daw an mga baras tikang ha Manila Bay ngan iba pa nga parte han nasud agud gamiton ha pagbug-os han mga artificial island han China, partikular ha mga gin aayawan nga parte han WPS.
Maiha na nga nagpahimatngon han Philippine Coast Guard kasumpay ha padayon nga reclamation ngan ginbubuhat nga konstruksyon han China ha sulod han exclusive economic zone (EEZ) han Pilipinas, kaupod an Pag-asa Cays ngan Escoda Shoal.
