TACLOBAN CITY – Gin tawag nga “song and dance” ngan “distraksyon” ha publiko ni National Coordinator hiton Samahan ng Progresibong Kabataan (SPARK) John Lazaro an Bagong Pilipinas Hymn.
Dugang pa hine, ha kadamo-damo han isyu nga ginkakaatubang han nasud sugad nala hiton habubo ngan pan-swelduhan, educational crisis ngan hitaas nga presyo hiton bugas kun diin mayorya gihapon han mga empleyado han pampubliko nga sektor in low-wage earner in papakantahon pa an mga ine han nasabi nga himno kun diin dire daw matuod-tuod in usa nga dako nga pakiana kun tinuod gud ba an “Bagong Pilipinas”.
Nanawagan naman ine kan Presidente Marcos ngan ha administrasyon hine nga dire ig lipungon an publiko pinaagi han nasabi nga himno.
Ginpahayag gihapon hine nga ginhihimo la daw ine han administrasyon para limpyuhin ngan pahamuton an record han ngaran ngan dinastiya nga Marcos.
Gin abuyunan gihapon hine an usa nga komento kun diin gintawag hine nga usa slogan ngan programa hin usa nga political party ngan political dynasty an Bagong Pilipinas Hymn.
