ODD NEWS-Usa nga baby ha UK an masisiring ka kakaiba matungod nga nabaro anay ine lumakat san-o makakamang balikad ha kasagaran mga proseso.
Ginkalasan an kaganak ni Xavier King ha siyahan hine nga pakalakat matungod nga unom pala kabulan an edad hine in nahimo na hine.
Hapagkayana in akos na nga lumakat ni Xavier nga dire nakapot bisan diin.
Bumilib an mga experto ha child development ha kaso ni Xavier matungod nga kaurugan in ginkukurian pa paglakat bisan an mga bata nga lapos usa katuig.
Nagtotoo naman an kaganak ni Xavier nga hi Mary ngan David nga madagmit la talaga mabaro an ira anak sanglit sayo ine nga nakalakat.
Sayo daw gihapon nakalingkod an ira anak dida han tulo kabulan pa la ine.
Mas nakakapausa naman an kaso ni Xavier matungod nga yana la ine kabaro pagkamang kahuman kabaro paglakat.
Gintotoohan nga an bouncing chair nga gingamit han bata an hinungdan ha madagmit mga kabaro hine paglakat.
Pero pareho ha iba nga kabataan problema gihapon yana han kaganak han bata an sobra hine kaluya matungod nga akos na hine lumakat.
