METRO MANILA – Ginklaro ni Atty. Levi Baligod nga gintutudlok nga potential witnesses han National Bureau of Investigation, ngan dire mga suspect, an 18 anay marines nga iya mga kliyente.
Sumala kan Baligod, nagaandam gihapon an mga anay sundalo han mga ebidensya kasumpay han daw pagkarawat han male-maleta nga kwarta han pira nga opisyal han gobyerno.
Posible nga bumalik ha NBI an grupo ha masunod nga semana agud magsusumite han kadugangan nga mga dokumento ngan supporting evidence nga may kasumpay ha ira expose.
Ginkwestyon gihapon ni Baligod an desisyon han NBI nga tagusa-usa gin-interrogate an mga anay sundalo imbes nga padad-on hin subpoena an mga opisyal nga ira gin ngaranan ha ira expose.
Ha kaluyo hini, ginsigurado ni Baligod an ira pakikipagbubligan ha imbestigasyon han NBI kumo pamatuod nga waray hira gintatago.
