NATIONAL NEWS– Umabot na an ashfall o abu ha pira nga mga lugar harani han Bulkang Kanlaon ha Negros Occidental mahuman nga bumuto ine kanina han aga nga humagos hin 1 ka-oras.
Sumala kan Philippine Institute of Volcanology and Seismology (Phivolcs) Director Teresito Bacolcol, pira ha mga luhar nga apektado han ashfall in an Bago City, La Castellana, ngan La Carlota City nga nakumpirma nga nakapaghipatik hin light ashfall.
Nagpahimatngon naman an mga opisyal ha posible nga kadelikaduhan ha panlawas han mga indibidwal pananglitan nga mahingop nira an ashfall ngan posible makagdurot hin iritasyon ha mata, irong, ngan but-ol sugadman makagkawsa ine hin grabe ha mga may respiratory illness sugad hiton asthma.
Ginsagdunan naman han non-government organization nga Philippine Emergency Alerts Monitoring Center an mga residente ha nasabi nga mga lugar nga magsul-ot hin face mask para agud nga malikayan nga makahingop hin abu hiton bulkan.
