UNITED STATES – Malinampuson nga nakabalik ha kalibutan an Artemis II mahuman an makasaysayan nga splashdown ha Pacific Ocean, ha may San Diego California.
Sakay han Integrity Capsule an bug-os nga team mahuman an ira moon mission.
An upat nga astronauts in hira Reid Wiseman, Victor Glover, Christina Koch, ngan Jeremy Hansen,diin nagbuhat an mga ine hin napulo kaadlaw nga pagbiyahe ha ligid han bulan, nga nagmarka han bag-o nga yugto ha programa han NASA Artemis.
Tikang ha kadagmit nga 23,000 mph (37,000 km/h) ha pagsulod ha atmospera, huminay an kapsula ha bulig han multi‑stage parachute system kutob ha 20–30 km/h antis lumunod ha dagat.
Dayon naman nga rumesponde an U.S Navy tikang han USS John P. Murtha agud tapuon an crew para ha atensyon medikal.
An misyon in nagin manilampuson ha panuyuan nga ig-testing an sistema han Orion spacecraft ngan ig-andam an masunod nga pitad ha utro nga pagbisita han tawo ha bulan.
Ha kabug-usan, umabot ha sobra 400,000 ka- kilometro an distansya nga ginbiyahe han Artemis II, ngan naghatag hin mga ladawan mga kuha tikang ha lunar orbit, lakip na an Earthset.
An malinampuson nga pagbalik han Artemis II in simbolo han bag-o nga paglaom ha moderno nga panahon han eksplorasyon ha kalawakan – pamatuod nga andam an sangkatauhan nga tumamak ha bulan.
