NATIONAL – Gin aghat han grupo han mga anay Philippine National Police (PNP) Chiefs an Philippine Amusement Gaming Corporation (Pagcor) nga ngaranan an gin aaligar nga anay hepe nga bumulig kan anay Bamban, Tarlac Mayor Alice Guo nga makagawas ha nasod.
Kasumpay hini, gin kondinar han nasabi nga grupo an gin buliwan nga pahayag ni PAGCOR Senior Vice President for Security and Couster Monitoring Raul Villanueva mahitungod nga an alegasyon hni in iresponsable ngan nakabase la ha tsismis.
Subay han mga anap PNP chief, an mabugat nga akusasyon in nagdudurot hin kaarawdan ha ira nga tanan nga naghatag hin serbisyo ngan kinabuhi ha pagseserbi ha nasud ngan ha mga Pilipino.
Manunumduman nga han nakalabay nga Setyembre 17 nga hearing in igin pahayag ni Villanueva nga may usa nga anay PNP chief an bumulig kan Guo ngan aadto ha monthly payroll han anay alkalde.
