Pakyas nga makaabante hi Filipina tennis star Alex Eala ha msunod nga round mahuman nga perdihon ni Jelena Ostapenko ha iskor nga 6-4, 7-5, ha Round of 16 han Upper Austria Ladies Linz Open dida han Miyerkules, Abril 8, 2026.
Syan nga nagpakita hi Eala hin maupay nga mulay mahuman hiya manguna ha parehas nga set, Umabante hiya hin 4-2 ha syahan nga set ngan nagpasikat pa ha ikaduha nga set han makuha an 4-0 nga lamang.
Sugadman, nakabawi hi Ostapenko ngan iginpakita an iya naiiba nga kakarit.
Nakuha han Latvian player an upat nga sunod nga mulay agud maagaw an syahan nga set, ugsa dominahon an katapusan nga parte han ikaduha nga set ha unom nga susrunod nga daog agud maselyuhan an nasabi nga mulay.
Ugsa an kaperdihan ni Eala, malinangpuson nga ginperdi hini ni Julia Grabher ha Round of 32 ha iskor nga 6-4, 6-3.
Samtang, ini gihapon an pinakasyahan nga daog ni Ostapenko kontra ha Eala ha usa nga WTA tournament.
Ha kaluyo han kapakayas, ginlalauman nga mabalik dayun an Filipina Tennis star ha Stuttgart Open ha masunod nga semana.
