Ginsulod han drones han Russia an airspace han Poland dida han aga han Miyerkules, Setyembre 10.
Basar ha reports, gin-activate han Poland an ira defense systems ha butnga han pag-atake han Russian drones.
Kasumapay hini, gindeploy han Poland ngan kaalyado hini nga North Atlantic Treaty Organization an ira military aircraft, kaupod an US F-35 fighter Jets nga nagpapatrolya ha kalangitan han Poland agud i-monitor ngan pugngan an intrusion han Russian drones.
Nahipatik naman nga napalaprak han Poland an iba nga drones han Russia.
Sumala naman kan Polish Prime Minister Donald Tusk, nga nagpapadayon an ginbuhat nira nga operasyon kasumpay ha multiple violations han Russian drones ha airspace han Poland.
Mahugot naman nga nakikipag-sumpayan an PM ha defense officials kasumpay ha nasabi nga development.
