TACLOBAN CITY – Nangaro hin despensa ha publiko an Tacloban City Agriculture Office mahitungod ha nagin masamok nga pamaligya han tag-P29 nga kada kilo han bugas.
Sumala kan Tacloban City Agriculture Office Head Romelo Anade, damo daw an stock an bugas pero nagkaka-problema la daw National Irrigation Administration mahitungod nga waray na maihabol an ira request nga 1,000 ka-bags, sanglit 300 bags la an nakaya pag-repack.
Nagpahayag naman ine ha publiko, labi na han mga waray makapalit han tag-P29 nga bugas, nga dire la mag-mahay mahitungod nga pirme man nagdudumara hin Kadiwa ng Pangulo an ira opisina.
Ha ira nagin pagharampang, in plano han mga ine nga himuon na nga kada-bulan an pagbaligya han tag-P29 kada kilo han bugas, pinaagi na gihapon han bulig han Department of Agriculture, Department of Labor and Employment, ngan National Irrigation Administration.
Prayoridad han pagpalit han nasabi nga bugas an mga membro han bulnerable nga sektor sugad han Persons with Disabilities (PWD), Single Parents, membro han 4Ps, ngan an mga senior citizens.
Samtang, nagpatapod naman ine nga ha sunod nga ira pagbaligya in sisiguraduhon ngan tatalinguhaon han mga ine nga magin hapsay ngan makapalit an ngatanan.
