NATIONAL – Nakatalaan nga gamiton han Armed Forces of the Philippines an mga kagamitan han Estados Unidos ha mga EDCA sites para ha pagdudumara hin humanitarian ngan disaster relief ops.
Ginbuhat han AFP an pahayag kasunod han kamanduhan ni AFP Chief of Staff, Gen. Romeo Brawner Jr. nga paganahon an mga pasilidad han Amerika agud magamit kumo multi-role facility yana nga mayda mga kalamidad.
Ha usa nga pahayag in ginmalatumat ni Armed Forces of the Philippines (AFP) Spokesperson, Col. Francel Margareth Padilla, nga karuyag han Commander-in-Chief nga hi Presidente Ferdinand R. Marcos Jr. nga magin madagmit an paghahatag hin bulig ha mga apektado nga lugar.
Basar ha datos, maabot ha siyam nga EDCA sites ha nasud an ginlalauman nga mahigagamitan para ha pagdudumara hin search and rescue operation.
Makakabulig gihapon ine para ha pagre-repack han mga relief goods nga dadad-on ha mga apektado nga residente.
