-- Advertisements --
NATIONAL NEWS– Ginsigurado han Armed Forces of the Philippines (AFP) nga andam ine nga bumaton ha bisan anu nga tensyon ha Middle East, kasunod ine han pagkamatay han usa nga Pilipino ha ginhimo nga opensiba han Iran.
Subay kan AFP Chief of Staff Gen. Romeo Brawner Jr., may naka-andam na nga contingency plan an militar para protektahan ngan kun ginkikinahanglan nga igbakwit an mga Pilipino nga aada ha mga conflict zone.
Naka-andam an mga C-130 aircraft ngan barko hiton Navy kun ginkikinahanglan hin evacuation.
Dugang pa ni Brawner, padayon nga ginrereview ngan gin-a-update han AFP an ira operational plans agud nga masigurado nga magigin epektibo an mg ine ha pag-atubang han panibag-o nga hulga.
