METRO MANILA – Dumistansya an abogado nga nag-notaryo han kontrobersyal nga affidavit han 18 nga anay Marines kasumpay ini han P805-bilyon nga mga kickback, dungan han pagdig-on nga hiya in lehitimo nga notary public ngan diri “hao xiao” o peke.
Ha iya pag-atubang ha National Bureau of Investigation (NBI) Special Action Unit dida han Martes agud bumaton ha subpoena, ginmalatumat ni Atty. Charlie Pascual nga ginbuhat la niya an iya obligasyon.
Nagsumite gihapon hiya hin mga dokumento agud pamatud-an nga sobra napulo na ka-tuig hiya nga notaryo ha Las Piñas.
Sumala kan Pascual, personal nga kumadto ha iya opisina an mga indibidwal ngan ginusa-usa niya an ngatanan nira nga mga identification card.
An dokumento in may sulod nga akusasyon han mga nagpapakilala nga bagmen ni kanda anay Ako Bicol Partylist Rep. Elizaldy Co, kun diin nagdul-ong an mga ini hin bilyon-bilyon nga suhol nga tikang naman ha mga anomaliya ha flood control projects.
Samtang, ginlalalauman nga maatubang ha NBI ha Huybes, Marso 12, an 18 nga mga anay sundalo, an ira abogado nga hi Levito Baligod, ngan hi anay Congressman Mike Defensor.
