Gin hangyo han abogado han mga biktima ha war on drugs ni anay Presidente Rodrigo Duterte nga tagan hira hin mas halaba nga panahon agud bumaton ha hangyo han kampo ni Duterte nga ig disqualify hi ICC Chief Prosecutor Karim Khan.
Ha upat ka-pages nga dokumento nga ginpagawas han International Criminal Court (ICC) dida han Agosto 15, ginmalatumat hi Paolina Massidda han Office of the Public Counsel for Victims (OPCV) nga waray nira dayun makuha an mga dokumento nga ginamit han depensa kumo basaranan han reklamo.
Samtang, ginkilala naman han abogado ni Duterte nga hi Atty. Nicholas Kaufman an pagigin abri ni Khan ha pagpapagawas han anuman nga posible nga conflict of interest, pero iginduon la gihapon han kampo ni Duterte nga kinahanglan hiya ma-disqualify mahitungod ha anay papel hine kumo abogado han usa ha mga biktima.
Presente naman nga naka-leave yana hi Khan mahitungod ha lain nga alegasyon han sexual misconduct.
