Usa nga 60-anyos nga movie enthusiast ha Pennsylvania, U.S.A. an nakaghipatik hin world record mahuman magkita hin 1,207 nga pelikuha ha sinehan ha sulod la hin usa katuig.
Hi Glenwood Hoskin Jr. in ginkilala han Guinnes World Records para ha iya rekord nga “most films seen in a cinema in one year.”
Tikang han Abril 2024 kutob Abril 2025, adlaw-adlaw nga napakadto hi Hoskin ha ira local Regal Cinema ha York Haven, Pennsylvania, kun diin nakakagkita hiya hin average nga 3.3 movies kada adlaw. Mahitungod hini, nalahusan niya an anay rekord nga 777 films ni Zachariah Swope han U.S.A.
Sumala kan Hoskin, ginpaplano niya hin timprano an iya iskesyul pinaagi han pagkita ha movie listings ngan ginpu-prubran nga makagkita hin pinakadamo nga pelikula tikang aga kutob haros katutnga han gab-i.
Usa nga retired tax officer hi Hoskin nga maiha na nga mahilig ha pelikula ngan musika.
Paborito ni Hoskin an animated movies ngan comedies. Kaupod ha mga pelikula nga karuyag niya an The Wild Robot ngan Deadpool & Wolverine.
Para kan Hoskin, mas marisyo la gihapon an magkita ha sinehan kumpara ha balay, labi na ha comedy films mahitungod nga mas enjoyable daw an experience kun mayda kaupod nga audience nga dudrungan ha pagtawa.
_2026_11_05_12_05_14.jpg "Jessica Sanchez, iginpaangbit an iya Boracay gateway kaupod an iya anak")
