Utro nga puprubaran ni Filipina tennis star Alexandra Eala nga makuha an iya syahan nga daog kontra kan Czech Republic player Tereza Valentova ha iya ika-tulo nga pagtutugbang.
Nakatalaan nga pagbuhaton an iya mulay yana nga adlaw, Nobyembre 5, alas-6:30 han gab-i.
Ha ira duha nga nakalabay nga pagtumparak, parehas nagdaog hi Valentova. Syahan hira nga nag-atubang ha Japan Open hadton 2025, kun diin ginperdi han Czech player hi Eala ha straight sets, 6-1, 6-2. Utro hira nagka-atubang ha Qatar Open ha Doha dida han Pebrero 2026, kun diin utro nga nagdaog hi Valentova ha iskor nga 7-6(6), 6-1.
Sugadman, masulod hi Eala ha ira ikatulo nga pagtutumparak nga may-ada maupay nga momentum mahuman perdihon hi Australian player Emerson Jones, 6-4, 6-3, ha opening round han Hong Kong Open.
Samtang, nagtikang naman hi Valentova ha daog kontra kan Japanese player nga hi Himeno Sakatsume, 6-3, 7-5, agud makasulod ha Round of 16.
Mas hitaas gihapon an presente nga ranggo ni Eala ha Women’s Tennis Association (WTA) ha No. 17, kumpara kan Valentova nga ada ha No. 85
_2026_11_05_12_05_14.jpg "Jessica Sanchez, iginpaangbit an iya Boracay gateway kaupod an iya anak")
