Desidido na nga magretiro hi Seven-weight world champion Amanda Serrano.
Ginmalatumat hini nga magigin katapusan nga mulay na niya an kan Australian boxer Skye Falzon.
Pagbubuhaton ini ha Enero 9 ha Puerto Rico.
Ha nasabi nga mulay in dedepensahan niya an iya WBA ngan WBO featherweight ha kalugaringon hini nga nasud.
Mayda ini record nga 50 nga daog, upat nga pirdi, ngan usa nga draw.
Target hini nga mabuong an all-time women’s knockout record ha iya katapusan nga mulay.
Nagin professional boxer hiya han tuig-2009.
Ginmalatumat hini nga nagin makuri an desisyon para ha pagre-retiro mahitungod nga ini na an iginkokonsidera niya nga kinabuhi.
Urhi nga mulay hini in hadton ginperdi niya hi Lucrecia Manzur han Argentina agud makab-ot an ika-50 nga daog.
Pero ha nasabi nga mulay in waray hiya mkakakuha hin knockout agud malahusan unta an record ni Christy Martin han US nga may-ada 32 KO wins.
