Pakyas makab-ot han medalya an Golden Boy ngan three-time gymnastics world champion Carlos Yulo mahuman ini maghuman ha ikapito ka-pwesto ha 54th Artistic Gymnastics World Championships nga gindumara ha Notterdam, Netherlands dida han Dominggo, Oktubre 25.
Nakuha ni Yulo an iskor nga 13.333 ha first vault kun diin nakaghipatik hiya hin 0.3 penalty han magkulang ha landing mahuman an 5.600 difficulty score ngan 8.033 execution score.
Ha ikaduha naman nga vault, nakuha ni Yulo an 14.433 nga puntos nga may difficulty score nga 5.200 ngan executions core nga 9.233 para ha average nga 13.833, mga puntos nga nagkulang para ha podium finish.
Waray gihapon makakab-ot hin medalya an double-Olympic gold gymnast ha iya floor exercise finals nga gindumara dida han Sabado han pumalya ha landig han iya second tumbling pass ngan maghuman ha ika-walo nga pwesto.
