TACLOBAN CITY- Presuhan an guindangatan han siyam nga kalalakin-an nga naaktuhan han mga otoridad nga nagdudumara hin illegal nga sabong hin manok ha Barangay Paraiso, San Jose, Tacloban City.
Basi ha blotter han mga kapulisan nga lakip ha mga nagkadadakop hira Richard Montes, Dominador Basiano, Joel Singson, Matusalim Ragaodao, Alvin Fallera, Godofredo Marga Jr, Rodel Tante, Jeremy Manangcaya ngan Miling Daban.
Nakumpiska han mga kapulisan an duha nga sunoy nga igburulang ngan tayada nga 850 pesos.
Samtang, naatubang ha kaangayan nga kaso an mga suspek mahitungod ha pagtalapas han Presidential Decree 449 o Cockfighting Law of 1974.
Mababaruan nga gawas la ha illegal nga droga, guintututukan guihapon han mga kapulisan an pagpuypoy han tanan nga klase hin sugal.
