INTERNATIONAL – Grabe nga naapektaran an usa nga major hospital ha Beersheba southern Israel mahuman nga direkta ini maigo han missle strikes han Iran.
An ospital nga naigo in an Soroka Medical Center kun diin sobra 30 katawo an nasamaran, sumala ha emergency service han Israel.
Ginkumpirma gihapon ni Israeli Pres. Isaac Herzog nga naigo han missle han Iran an osptial kun diin target hini an mga sibilyan.
Ha panibag-o nga pagpalaprak han missle strikes han Iran, nahipatik han Israel’s emergency service nga aada ha 65 katawo an nagkasasamaran.
Tulo nga biktima an aada ha seryoso nga kondisyon kaupod an 80-anyos nga lalaki ngan duha nga lagas nga babaye nga aada ha 70-anyos an pangidaron.
Aada ha 42 naman an nakaghipatik hin minor injuries mahitungod ha mga shrapnel han pagbuto, 18 liwat an nasamaran samtang pakadto ha bomb shelter.
Sumala ha MDA teams, dayon naman hira nagbuhat hin medical care ha mga nasamaran ngan gin-evacuate na an mga ini pakadto ha mga ospital.
