NATIONAL NEWS– Nasakote han National Bureau of Investigation (NBI) an ginbabana-bana nga P63 milyon nga kantidad hiton ilegal nga vape products ha magkabulag nga operasyon ha Marilao, Bulacan; Parañaque City; ngan Pasay City.
Sumala kan NBI Deputy Director Ferdinand Lavin, naaresto gihapon an duha nga Pilipino ngan 3 nga langyawanon kalakip dinhi an Singaporean, Thai national, ngan usa nga Chinese national nga dabi ha ilegal nga kalakaran.
Ha bulig hiton Bureau of Internal Revenue (BIR) ngan Department of Trade and Industry (DTI), nakumpiskar han NBI-Cybercrime Division an sobra 85,000 kabug-os nga salt-nicotine vape ha Bulacan, 25,000 kabug-os ha Parañaque, ngan 72,000 kabug-os ha bodega han Pasay.
Sumala kan NBI Director Jaime Santiago, malinampuson an nagin operasyon matungod ha kombinasyon han cyber patrol, intelligence gathering, ngan koordinasyon han magkalain-lain nga ahensya han gobyerno.
