-- Advertisements --
INTERNATIONAL – Patay an lima ka-tawo, kalakip an commander han Palestinian armed group nga Hamas militants ha West Bank, mahitungod han iginlunsar nga air strike han Israel han nakalabay nga Sabado, Agosto 3, 2024.
Subay han Palestinian news agency, diri pa klaro an pagkakakilal-an han upat nga mga indibidwal nga namatay ha nasabi nga pag-atake.
Basar naman ha Israeli Defense Forces, igin lunsar nira an air strike kontra ha usa nga militant cell ha parte han West Bank city han Tulkarm.
Ha pagkayana in nagtitikaduro na an tensyon ha Middle East mahitungod han assassination ha usa ha mga lider han Hamas nga hi Ismail Haniyeh ha Iran han nakalabay nga Miyerkules.
