INTERNATIONAL NEWS– Naka-uli na ha ira panimalay ha Minneapolis an 5-anyos nga hi Liam Conejo Ramos ngan an iya tatay nga hi Adrian Alexander Conejo Arias mahuman nga ma-detain han Immigration and Customs Enforcement (ICE) ha Texas, sumala kan Texas Congressman Joaquin Castro.
Gin-anunsyo ni Castro nga ginpagawas na an magtatay tikang ha Dilley detention center ngan naka-abot na an mga ine ha Minnesota.
Nabaruan nga an pagbul-iwi ha magtatay in mahuman nga matagan hin emergency order han US District Judge Fred Biery an pamilya.
Ha nagin desisyon, ginbatikos ni Biery an pagkakapreso han nasabi nga bata, ngan ginpahayag nga durot ine han “perfidious lust for unbridled power” ngan nanawagan hin maupay ngan makatawo nga proseso ha immigration.
Depensa han ICE nga dire nira target an magtatay, natuman la nga ginbayaan han taay an iya anak, pero gindig-unan han abogado han pamilya nga ginsunod han magtatay an sakto nga proseso han asylum, sumulod ha US hadton 2024 ha legal nga pamaagi gumamit hin CBP One app, umatinder ha mga appointment, ngan inpakita an ira kalugaringon ha Customs and Border Protection.
Harayo ine ha ginpahayag han Department of Homeland Security (DHS) nga ilegal nga sumulod an magtala-amay ha US.
Ha bulag nga post han ICE ha social media, gindiwara hine nga na-detain an bata.
Samtang, nagpost naman ha social media hi Minnesota Congresswoman Ilhan Omar kun diin naghatag ine hin mapaso nga greetings.
