TACLOBAN CITY– Ginkalipay hiton mga magturotdo ha rehiyon an dugang nga vacation service credits (VSCs), han mga tikang ha 15 diyas in magigin 30 diyas na ine, ha ilarom han bag-o nga guidelines nga DepEd Order No. 13, series . 2024.
Sumala kan Jasmine Francisco-Calzita, Information Officer han Department of Education Eastern Visayas, an nasabi nga kamanduhan ha ilarom han DepEd Order No. 13, in nagtutugot han mga magturotdo nga ig-offset an mga pag-awan matungod ha sakit o personal nga rason, agud nga mabawi an iban nga sweldo ha panahon han bakasyon.
An nasabi nga 30 diyas nga vacation service credits, in para hadton mga magturotdo nga nag serbisyo hin sobra 1 katuig na.
Dugang pa ni Calzita, nga an bag-o nga aludayday in agud gihapon nga tumanon an patapod han DepEd nga atimanan an net take-home pay han mga magturotdo pinaagi han pagkilala ha ira patisipasyon ha mga aktibidad ha ilarom han DepEd ha tanan nga lebel han panutduan.
Sakop gihapon han nasabi nga guidelines, an pag-atinder han mga magturotdo hin mga regular nga sesyon o seminar kinada weekends o holidays.
An pag-implementar han VSC in nagkikinahanglan hin awtorisasyon tikang ha Schools Division Superintendent o mga nakatudlok nga mga otorisado nga tinaglawas hiton DepEd.
