TACLOBAN CITY – Arestado an tulo nga mga estudyante mahuman nga makuhaan ini ha ira posisyon hin usa ka sachet nga may sulod hin gin tatahapan nga marijuana.
Sumala kan PMaj. Ruel Cantillas, Chief of Police hiton Daram Municipal Police Station, nakakarawat hin tawag an Daram Minicipal Police Station nga mayda duha nga mga estudyante nga may dara nga gin-sususpetsahan nga droga sakay hin sarakyan pandagat tikang ha Catbalogan City ngan biyahe tikadto ha Daram, Samar.
Dagmit naman ini nga gintapo han mga kaapi han Daram MPS, ngan nahidakpan an tulo nga mga istudyante nga nakilala kanda alyas “Paul” 18 anyos, lalaki, ngan hi alyas “Raffy”, 18 anyos, ngan alyas “Manoy” 16 anyos, papreho mga estudyante ngan residente ha Poblacion han mao nga Bungto.
Nakuha ha ira posisyon in maabot 10 ka gramo hin gintotoohan nga Marijuana nga nag-kakantidad hin P1,200 ka pesos ngan ha pagkayana in gin-aandam na an kaangayan nga kaso ha tulo nga mga suspetsado.
