Lola patay, 4 samaran han bungoon han usa nga pick-up an usa nga tricycle

TACLOBAN CITY — Patay an usa nga 79 anyos nga lola samtang 4 naman an samaran han bunggo-on han usa nga pick-up truck nga gindadrivan han usa nga retired US army an usa nga tricycle ha Brgy. Ipil, Ormoc City.

Upod ha mga samaran an driver han tricycle ngan an 3 pa hini nga pasahero nga tihaw-as na unta ha mao tricycle.

Dayon naman nga gindara ha pinakaharani nga ospital an mga biktima pero gin-awatan na hin kinabuhi an 79 anyos nga pasehero nga hi Sitay Villaluz samtang gintatambal.

Ginkilala an suspek nga hi Matthew del Robert, 46 anyos an pangidaron.

Basar ha ginbuhat nga imbestigasyon han mga kapulisan nahisabutan nga nabyahe na tiuli ha ira
panimalay ha Brgy Bantique an suspek nga hi Del Robert ngan han upod hini nga hi Ritchel han tigda nala ini nga bumunggo ha pampasahero nga tricycle.

Ha pagkayana in temporaryo nga nakapaslak hi del Robert ha police station han mao nga lugar ngan
nagpatapod nga bubuligan niya an mga biktima.