Nabay-og an bug-os nga 2026 Camel Beauty Show Festival ha Oman mahuman nga madiskubre han mga beterinaryo nga nagpailarom ha grabe nga cosmetic enhancements an pira han mga kandidata nga camel.
Maabot ha 20 camels an dayun nga gindiskwalipika ha paisan-isan mahuman nga mapamatud-an nga ginturukan ini hin botox ngan lip fillers agud magin mas “mahusay” ngan “pouty” an ira mga im-im.
Labot hini, nadiskubre gihapon an paggamit han silicon implants agud bag-uhon an pustura han irong, ngan hormone injection agud padakuon an ira hump ngan kalamnan.
Seryoso nga negosyo an mga camel beauty contests ha Oman mahitungod ha kadako han premyo nga salapi ngan kantidad han pamaligya han mga nagdadaog nga lahi.
Mahitungod hini, naaaghat an pira nga breeders nga maglimbong gamit an mga igindidire nga proseso agud makuha an titulo nga “most beautiful camel.”
Nababaraka naman an mga eksperto nga delikado ini ha panlawas han mga hayop. An filler in posible magdurot hin grabe nga impeksyon, samtang an botox naman in nakaapekto ha kapas han camel nga magsupa ngan uminom hin maupay.
